Përfaqësuesi i Lartë i BE-së për Politikë të Jashtme, Josep Borrell, foli sërish për negociatat e paqes mes Rusisë dhe Ukrainës në seancën plenare të Parlamentit Evropian.
“Nuk e di se kur mund të fillojnë negociatat e paqes, dhe në çdo rast, së pari duhet një armëpushim. Unë nuk jam dikush që t'ia rekomandoj presidentit ukrainas. Është e qartë se sa më shpejt të fillojnë negociatat, aq më mirë. Por këto ndodhin kur kushtet janë të përshtatshme, kur e lejon vullneti i agresorit. Të gjithë liderët që folën me Putinin janë kthyer me të njëjtën përgjigje, se ai nuk dëshiron të hapë negociata derisa të arrijë rezultatet e tij ushtarake. Pra, në vend që të pyesni Zelenskyn, duhet të pyesni agresorin”, tha Borrell.
Lajmi kryesor:
Rimori disa qytete të pushtuara nga Rusia, Kievi bën thirrje për më shumë armë nga Perëndimi! Scholz telefonon Putin: Të tërhiqen trupat sa më shpejt nga Ukraina
S.C/ReportTv.al