Falë publikimit të fotove të të riut nga Tirana Arbri Cërriku, "Pa Gjurmë" e gjen atë në Nancy të Francës. Këtë mesditë, e ftuar në studio nëna, Dashurie Cili, vajtoi mes dhimbjesh teksa pa pamjet filmike të të birit, i cili kishte përfunduar në një gjendje të rënduar psikologjike dhe fizike.
28-vjecari, me një fizik tejet të dobët, u xhirua teksa po ecte me nje biçikletë i vetëm në rrugë nga një emigrante, e cila ishte ndjekëse e rregullt e emisionit. Teksa e ndaloi, ajo e njoftoi se nëna e tij po e kërkonte. Nga biseda e shkurtër, dallohej qartë që i riu kishte probleme me shëndetin mendor dhe fizik. Për më tepër ai u tregua mospërfillës dhe u largua me nxitim duke mos dhënë asnjë detaj për jetën e tij apo një numër kontakti.
Ky është djali im. Sa qënka dobësuar, e zeza unë ka përfunduar shumë keq. Mua ma ndjente zemra se i kishte ndodhur diçka e keqe. Ai duket në video që nuk flet qartë dhe do vetëm të iki. Çfarë të bëj unë e zeza për djalin? ’- tha në studio duke qarë nëna teksa pa pamjet e të birit.
Moderatorja e programit, Odeta Dume, u lidh nëpërmjet telefonit me emigranten e cila kishte bërë kërkime për të mësuar më shumë rreth të riut.
Sipas saj, Arbër Cërriku ishte dëbuar nga qëndra e azilit ku strehohej, pasi kishte thyer rregullat. Si pasojë e përdorit të drogërave të rënda, ai ishte katandisur në një gjëndje të mjerueshme dhe kishte përfundur si endacak poshtë një ure në Nancy të Francës.
Nëna, mes lutjeve, kërkoi t'ia sillnin të birin në Tiranë ose ta fusnin në një qendër rehabilitimi në Francë.
Mua më erdhi shumë keq për nënën e tij, kur pashë emisionin dhe menjëherë nisa kërkimet se e kisha parë Arbrin që endej rrugëve këtu. Ndaj e nisa edhe videon që nëna ta di që e ka gjallë. Unë do e ndihmoj Dashurinë, që djalin e saj ta dërgojmë në një qendër duke u lidhur me shërbimin social në Nancy’- u shpreh emigrantja e prekur nga lotët e nënës së të riut.
Dashuria, nëna e Arbërit, ishte divorcuar në moshë shumë të re pas dhunës sistematike të bashkëshortit. Megjithatë, ajo ia kishte dalë ta rriste e vetme mes sakrificave djalin e saj. Edhe pse, fati i keq, nuk iu nda edhe tani që ai u bë burrë.
Një vit më parë, 28-vjecari, niset drejt Francës për një jetë më të mirë për vete dhe nënën e tij, por humbi çdo kontakt 31 mars të këtij viti.
Emsioni i plotë
Komente
Me vjen Shume keq per nenen dhe per djalin.
PërgjigjuGjynah, gjithe ky cun!
PërgjigjuKeto jane efektet anesore te droges per cilen si popull paskemi qene shume te prirur (duke patur parasysh qe jemi nje vend shume i vogel) per ta tregtuar/trafikuar duke arritur ne pak kohe majat e globit.
Përgjigju