Nënkryetari i Bashkisë së Tiranës për territorin dhe zonat rurale, Blendi Sulaj ka inspektuar nga afër punimet për ndërtimin e shkollës “Mersin Duqi” në Bërzhitë.
Ai tha se shkolla e re do të jetë gati sa më shpejt për të mirëpritur nxënësit e zonës, si dhe theksoi që do shërbejë edhe si hapësirë rekreative për komunitetin pas orarit zyrtar të shkollës.
“Po bëhet një punë shumë e mirë. Bashkia e Tiranës do të jetë shumë e vëmendshme ndaj të gjitha investimeve që do të bëhen në zonat rurale sepse do t’i shërbejnë komunitetit, por mbi të gjitha kjo shkollë do t’i shërbejë do ti shërbejë mbi 180 nxënësve dhe shkolla të shihet të paktën edhe pas orarit shkollor të jetë një pjesë që e gjithë zona ta shfrytëzojë për ambientet rekreative që do të krijohen dhe që është bërë e mundur. Ju shkoftë mbarë dhe mbaroni sa më shpejt”, u shpreh Sulaj.
Ndërtimi i kësaj shkolle, që pritet të hapë dyert vitin e ardhshëm, do të mirëpresë 180 nxënës të zonës.
Gjatë këtyre viteve, Bashkia e Tiranës ka investuar në ndërtimin dhe rikonstruksionin e dhjetëra shkollave të reja, duke sjellë kushte më të mira mësimi për mijëra nxënës në kryeqytet dhe zonat rurale.
Komente
