Katmandu- Ka shkuar në 18 numri i të vdekurve nga rrëzimi i një avioni të mërkurën (24 korrik) në Nepal. I vetmi i mbijetuar është piloti.
Avioni u rrëzua teksa po përpiqej të ngrihej nga aeroporti Ndërkombëtar Tribhuvan (TIA) në kryeqytetin Katmandu në drejtim të qytetit turistik të Pokhara, raportoi e përditshmja Kathmandu Post.
Premnath Thakur, zëdhënësi i TIA, tha se rrëzimi ndodhi rreth orës 11:00 (me kohë lokale)
Kapiteni MR Shakya i aeroplanit të Saurya Airlines u shpëtua dhe është nën kujdesin e mjekëve në një spital.
Në mesin e 19 personave ishin edhe anëtarë të ekuipazhit dhe avioni ishte nisur për në qytetin Pokhara në Nepalin qendror.
Ushtria nepaleze drejtoi operacionet e shpëtimit që janë duke u zhvilluar në vendin e aksidentit.
Komento
