Presidenti i Republikës së Kosovës, Hashim Thaçi, ka shpallur ditën e diel, 10 qershor 2018, ditë zie në Kosovë, në nderim të Fadil Vokrrit, i cili sot ndërroi jetë.
Në shenjë respekti shtetëror dhe qytetar, me vendim të presidentit Thaçi, nesër flamujt shtetëror do të ngrihen në gjysmështizë në të gjitha objektet shtetërore të Republikës së Kosovës, brenda dhe jashtë vendit.
Presidenca e Kosovës
Ndërkohë që kryetari i Prishtinës, Shpend Ahmeti ka thënë se stadiumi i Prishtinës do të mbajë emrin e Fadil Vokrrit, kreut të FFK-së që ndërroi jetë sot në moshën 57-vjeçare.
Një jetë plotë suksese, e duke pritur sukseset e radhës së ngritjes së përfaqësueses së Kosovës. Vështirë i zëvendësueshëm në çdo pozicion që luajti e që mbajti. I respektuar në çdo vend që jetoi. Lajm i hidhur e i rëndë. Stadiumi i qytetit me nder do ta mbajë emrin e tij, Fadil Vokrri
Shpend Ahmeti
Varrimi bëhet nesër, më 10 qershor 2018, në orën 17:00 në varrezat e Prishtinës.