Kombëtarja ka zhvilluar seancën e zyrtare stërvitore në qendrën stërvitore në Malaga në prag të miqësores me Gjibraltarin, që do të luhet më 4 shtator, ora 18:00 në stadiumin “Europa Point” të Gjibraltarit.
Stërvitja ka zgjatur më shumë se 1 orë, duke u fokusuar më shumë në aspektin taktik. Me ekipin sot në stërvitje është bashkuar edhe portieri Simon Simoni.
Deri tani i gjithë grupi është në formë të mirë dhe nuk ka probleme me dëmtimet.
Pas miqësores me Gjibraltarin, më datë 9 shtator kombëtarja do të presë Letoninë në “Air Albania” në orën 20:45, e vlefshme për kualifikueset e Botërorit 2026.
Komento
Komente
