Kryeministri Izraelit Benjamin Netanjahu u kujdes personalisht të dërgonte një grup gazetarësh të huaj në Gaza, të cilëve u tha se do të çlirohet, me ose pa mbështetje të huaj. Ai këmbënguli se plani i qeverisë izraelite për të pushtuar Gazën është mënyra më e mirë për t'i dhënë sa më shpejt fund luftës
"Afati kohor që kemi përcaktuar për ndërhyrjen është mjaft i shpejtë. Ne mund të arrijmë një rezultat që mbron popullsinë civile dhe godet Hamasin në të njëjtën kohë. Nuk ishte qëllimi ynë të shpërbënim Hamasin, por tani është",- ka deklaruar Netanjahu.
Kryeministri izraelit tha se në Rripin e Gazës ka ende mijëra terroristë të armatosur të Hamasit të cilët janë zotuar të përsërisin “egërsinë e sulmit” të 7 tetorit 2023.
Ai u ndal edhe në akuzat se pengon ndihmat humanitare, duke njoftuar hapjen e korridoreve të sigurta për shpërndarjen e tyte.
Sipas tij, të vetmit që qëllimisht vdesin nga uria janë pengjet, duke treguar një foto të pengut Evyatar David, i cili kishte humbur shumë peshë.
Kundërshtimi ndaj planit të pushtimit të Gazës nga Izraeli po rritet gjithnjë e më tepër. Italia nënshkroi një dokument bashkë me Gjermaninë, Britaninë e Madhe, Francën dhe 5 vende të tjera, duke hedhur poshtë me forcë vendimin e qeverisë Netanyahu për të nisur një tjetër operacion ushtarak në shkallë të gjerë në Rrip. Nga ana tjetër, mijëra njerëz protestuan në Tel Aviv kundër kryeministrit.
Komente
SI DUKET do ti vriste te gjithe se sot vrau 5 gazetare
Përgjigju