‘Njëqind vjet vetmi’ është një nga librat më të lexuar dhe të përkthyer në 46 gjuhë të botës i shkrimtarit kolumbian Gabriel Garcia Marquez.
Netfix tregon se pas 50 vitesh kundërshtimi është pranuar që libri të kthehet në film. Romani i realizmit magjik i botuar në spanjisht në vitin 1967 tashmë do të përshtatet për ekran. 2 djemtë e Márquez, Rodrigo Garcia and Gonzalo García, do të shërbejnë si producentë ekzekutivë të filmit.
“Për vite me radhë, babai ynë nguroi t’i shiste të drejtat e librit pasi besonte se realizimi do të ishte i kufizuar dhe prodhimi në një gjuhë tjetër përveç spanjishtes, do të ishte e padrejtë,” tha Rodrigo Garcia në një deklaratë.
Marquez ishte një thesar për popullin kolumbian. Kur Marquez vdiq në moshën 87 vjeçare në 2014, Presidenti i Kolumbisë Juan Manuel Santos shpalli tri ditë zije kombëtare dhe urdhëroi uljen e flamujve në gjysmë shtizë në të gjithë vendin.
Komente
