Nga e hëna kur nisi shpërndarja e bonusit të fundvitit, 51,357 pensionistë në të gjithë vendin e kanë tërhequr atë deri më tani.
Kryeministri Edi Rama njofton përmes një postimi në rrjetet sociale se në ditët në vijim i gjithë fondi 100 milionë euro do t’u shpërndahet 724,933 pensionistëve përmes bonusit i cili është i vlefshëm për tu tërhequr deri në qershorin e vitit 2025.
“51,357 pensionistë në të gjithë vendin kanë tërhequr bonusin e fundvitit. Në ditët në vijim i gjithë fondi prej 100 milionë Eurosh do t’u shpërndahet 724,933 pensionistëve, ku falë rritjes ekonomike 511,173 pensionistë do të marrin trefishin e një viti më parë dhe 213,760 pensionistë do të marrin dyfishin e një viti më parë”, shkruan Rama.
Mbi 511 mijë pensionistë marrin 150 euro bonus, ndërsa mbi 213 mijë marrin 100 euro bonus.
Vitin e ardhshëm pensionistët do të marrin dy bonuse, në pranverë dhe dimër.
Komente
