Meteorologia Anira Gjoni tha për Report Tv se përpos uljes së temperaturave, nesër në mbrëmje pritet të nisin reshje shiu në disa qarqe.
“Për ditën e sorme kishim një rënie të menjëhershme të temperaturave, por s’kanë arritur në vlerat minus. Presim që mëngjesin e të martës presim të shënohen temperatura minimale -3 në zonat malore, në zonat e ulëta 7 gradë dhe në bregdet 9 gradë. Maksimalet për nesër qëndrojnë relativisht të larta, do të vijojnë të qëndrojën në vlerat 18 në bregdet, 17 në zonat e ulëta dhe në zonat malore deri në 8 gradë celsius”, tha Gjoni në Report Tv.
Në veri dhe verilindje të vendit reshjet do të jenë të kombinuara në formën e shiut dhe dëborës.
“Sa i përket reshjeve, e hëna dhe e marta nuk presim reshje. Reshjet nisin ditën e martë në mbrëmje në disa qarqe. Të mërkurën presim të kemi reshje të dobëta dhe lokalisht shkojnë deri në mestarae në disaqarqe. E enjtja merr një sasi më të shtuar të rehsjeve, por do vijojnë të jenë lokale. S’do të jetë i gjithë vendi nën pushtetin e reshjeve. Reshjet e së enjtes, mund të shkaktojnë në mbrëmje disa problematika sa i përket qendrave urbane kryesisht në qarqet e veriut, por nuk presim të kemi përmbytje masive. E mërkura në mbrëmje, në veri dhe verilindje, reshjet do jenë të kombinuara në formën e shiut dhe të dëborës në zonat malore”, vijoi Gjoni.
Komente
