TIRANË - Për Partinë Demokratike, kryeministri Edi Rama bashkëqeveris me krimin dhe se akti normativ anti-KÇK që ka hyrë në zbatim, është veçse propagandë, sipas sekretarit të Përgjithshëm, Gazment Bardhi. Në video montazhin e përgatitur nga PD-ja jepen deklarata të kryeministrit Edi Rama që herë sulmon krimin e herë thotë që nuk duhet folur vetëm për të, apo edhe deri tek ish-ministri i Brendshëm Saimir Tahiri të cilit i kanë shkëputur një frazë nga intervistat televizive, ku thotë se "nuk ka banda". Ndërsa ish-kryebashkiaku i Durrësit Vangjush Dako thotë se po sulmohen grupet kriminale.
"Krimin nuk e lufton dot ai që e përfshiu në çdo segment të qeverisjes së tij, si dhe e mbështeti edhe duke mohuar aktivitetin në rritje dhe forcimin e krimit të organizuar. Edi Rama është përgjegjësi kryesor për kriminalizimin e politikës dhe korrupsionin. Të pandëshkuarit e mëdhenj të krimit dhe korrupsionit në Shqipëri janë qeveritarët dhe bashkiakët e Rilindjes. Propaganda dhe mashtrime publike nuk e ndryshojnë dot të vërtetën: Edi Rama është kreu i KÇK-së, bashkëqeveris me krimin e organizuar, i jep krimit pushtet politik tendera, koncesione dhe pasuri publike", tha në një reagim të shpërndarë nga zyra e shtypit në PD, Gazmend Bardhi.
Komente
Po reklam për Gërdecin pse s'bëni po për rugën e kombit 260 miljon euro po për 4 të vrar në 21 janar apo kto nuk quhen o parti pler parti kok pa larësh e injorantēsh. Pty rac e krqe tac bastarde.
PërgjigjuMa kopjuan mua mesazhin
Përgjigju