TIRANE-E ndërsa protesta e studentëve vijon prej 16 ditësh, fakulteti i Ekonomisë ka vendosur shtyrjen e sezonit të provimeve dhe mospagimin e tarifave deri në marrjen e një përgjigje zyrtare nga qeveria.
Gjithashtu Fakulteti deklaron se do të bëjë transparencë të plotë të financave, rivlerësim akademik, performancën në mësimdhënie në fund të cdo semestri, rifunksionimi i sallave laboratorike, por edhe zerim të tarifave të brendshme (listë notash dhe vërtetimesh).
Fakulteti premton praktikën për studentët që nuk e sigurojnë dot, ndërtimin e kampusit, por bazuar te premtimi i kryeministrit dhe nisjen e një plani për të gjitha kërkesat e studentëve që varen nga dekanati.
Vendimi është marrë në datë 17 dhjetor në mbledhjen mes studentëve dhe dekanatit, ndërsa protesta e studentëve vijon në ditën e 16-të edhe pse kryeministri Edi Rama premtoi dje se që nga muaji janar i vitit tjetër do të paguajnë 50% të tarifës, ndërsa është dakord në parim edhe për pikat e tjera, por kërkon dialog.
Vendimi i Fakultetit të Ekonomisë
Komente
