LEZHË - Një 60-vjeçar u vu në pranga nga policia duke drejtuar automjetin në gjendje të dehur, por kjo nuk ishte arsyeja pse uniformat blu të Lezhës ishin nisur drejt tij. Një denoncim i mbërritur pranë komisariatit të Lezhës, vuri në lëvizje efektivët të cilët e arrestuan 60-vjeçarin me inicialet V.N pasi ka ngacmuar një vajzë të mitur me aftësi të kufizuara, ndërsa dyshohet se edhe mund të ketë kryer marrëdhënie seksuale me të. Kur policia e arrestoi, 60-vjeçari me banim në Lezhë, ka qënë duke drejtuar automjetin e tij, ku ka rezultuar në gjendje të dehur në masën 0.93mg/l.
Vajza 8-vjeçe cdo ditë shkonte në shkollë me furgon, por të premten nuk ka vajtur me fëmijët e tjerë dhe për këtë arsye nxënësit kanë ngritur alarmin se dikush e ka rrëmbyer. Drejtuesit e shkollës kanë sinjalizuar policinë, e cila është vendosur në ndjekje të 60-vjeçarit duke e gjetur bashkë me vajzën. Tani priten aktet e ekspertimit për të vërtetuar nëse 60-vjeçari ka abuzuar me vajzën apo jo.
Vajza e mitur e cila është bashkëfshatare me të akuzuarin është shtruar në spital dhe po mbahet nën kujdesin e mjekëve. Policia e Lezhës njofton se materialet procedurale i kaloi pranë Prokurorisë së Krujës për veprën penale “Marrëdhënie seksuale me persona të pazotë për t'u mbrojtur", "Vepra të turpshme" dhe "Drejtimi i mjetit në gjendje të dehur". Pak muaj më parë Gjykata e Lezhës dënoi me 3 vite burg një 76-vjeçar qe abuzoi me një vajzë.
Komente
ju politikaneve pa perjahtim......sa here qe doni te tregoni qe gjoja po beni shtet popullin e thjeshte godisni....veten tuaj e mbroni ..keni 30 vjet qe vidhni shqiptaret edhe talleni ne parlament...
Përgjigju