TIRANË- Besimtarët ortodoksë në të gjithë Shqipërinë kanë kremtuar sot ngjalljen e Jezu Krishtit në meshën e Pashkëve. Kjo është mesha e parë që do mbahet në mesnatë pas dy vitesh, për shkak të pandemisë së COVID-19.
Pashkët simbolizojnë ngjalljen e Jezu Krishtit tre ditë pas kryqëzimit dhe janë festa kryesore e besimit të krishterë. Flaka e shenjtë është simboli i fitores mbi vdekjen dhe besimtarët i mbajnë të ndezur qirinjtë gjatë gjithë natës së Pashkës. Pas meshës besimtarët kryen edhe ceremoninë e thyerjes së vezët së pashkëve.
Qytetarët shprehen se këto Pashkët janë të veçantat, pasi pas dy vitesh mund të presin “Ngjalljen e Krishtit” në Kishë.
“Gëzuar Pashkët! Pashkët janë më të shenjtat e tre festave fetare. Ndihem shumë e lumtur. Pas pandemisë, pashkët më duken më të bukura se kurrë.”, tha një prej besimtareve.
“Duke ndjekur këtë meshë, festën më të madhe, sot është Pashkë e Zotit, ngjarja më e madhe e asaj që besimi shpreh, pa ngjalljen e Zotit nuk do kishte kuptim, është kulmi i të gjitha festimeve. Do të bëhen disa shërbesa tani”, tha një prej priftërinjve.
I pari që ka uruar ortodoksët ishte presidenti Ilir Meta. Ai është shprehur se ngjallja e Krishtit është triumfi i jetës mbi vdekjen, i së mirës ndaj së keqes dhe i dashurisë mbi urrejtjen, teksa e pranishme ka qenë edhe ambasadorja e SHBA-së, Yuri Kim.
Yuri Kim në meshën e Pashkëve Ortodokse
Nëpërmjet një postim në Facebook Meta i uron të gjithë shqiptarëve Pashkën e Madhe duke drejtuar lutjet për ditë më të mira, mposhtjen e padrejtësive, arrogancës dhe kapërcimin e çdo vështirësie.
Meta në këtë ditë të shenjtë drejton thirrjen që të ndjekim shembullin e jetës dhe veprës së Krishtit, që na mëson se pavarësisht sakrificave që kërkohen, fuqia e dashurisë dhe e shpresës ka një energji që nuk mund të ndalet dhe as të shpërbëhet.
Komente
