Elbasan- Një bujk 65-vjeçar ka humbur jetën tragjikisht teksa ishte duke punuar me mjetin e tij frezë, i cili e ka goditur në rrethana aksidentale, duke i shkaktuar edhe fatalitetin.
Policia vendore konfirmoi sot (24 tetor) ngjarjen e rëndë të ndodhur në Cërrik, teksa ishte dërguar nga të afërmit pa shenja jete shtetasi S. R., banues në fshatin Shalës.
“Nga veprimet e para hetimore dhe nga deklarimet e familjareve dyshohet se 65-vjeçari, duke punuar me mjet bujqësor (frezë dore), aksidentalisht është dëmtuar dhe si pasojë e plagëve të marra ka humbur jetën”, thuhet në njoftimin zyrtar, pa dhënë detaje të tjera për dinamikën dhe plagët që i morën jetën të ndjerit.
Por dosja për rastin i ka kaluar Prokurorisë së Elbasanit, për veprime të mëtejshme.
