Dy ngjarje të rënda tronditën një ditë më parë kryeqytetin, ku një efektiv vrau kolegun brenda ambientit të komisariatit të nr.3 në Tiranë dhe një tjetër efektiv i FNSH-së plagosi një qytetar 60-vjeçar me armën e shërbimit.
I ftuar në emisionin "Studio Live", në Report Tv, sociologu Gëzim Tushi, ka folur rreth situatës së kriminalitetit lidhur me shkaqet dhe faktorët social që i shtyjnë njerëzit drejt ndërmarrjes së akteve kriminale.
"Ngjarjet e fundit nuk janë "sui generis", krimi është bërë një e keqe. Unë mendoj që ngjarjet që kanë ndodhur dje janë të shëmtuara, ku njëri humbi jetën dhe tjetri u plagos. Në sistemin e vlerave dhe përzgjedhjen në sistemin e vlerave dhe verifikimin e cilësive që duhet të ketë një profesion, një polic, kemi defekt. Në sistemin e komunikimit kemi shumë defekte. Kur je në një profesion të caktuar duhet të bësh rolin në të cilin je. Bullizmi ishte shkaku i ngjarjes, më vjen keq dhe për viktimën, dhe për autorin. Unë mendoj se ka disa faktorë që shoqëria është e irrituar, e para janë disa faktorë të rëndësishëm, konfliktualitetin poltik, gjuha ofenduese e përdorimi i dhunës", tha sociologu Tushi.
Për sociologun Tushi një ndikim i madh ka formimi qytetar dhe familja e sotme sipas tij po paraqet probleme në edukimin e të rinjve. Përdorimi i lëndëve narkotike dhe psikotrope kanë një ndikim shumë të madh në rritjen e kriminalitetit.
"Shoqëria shqiptare ka disa probleme në lidhje me formimin qytetarë, efekti i parë ka të bëjë më familjen. familja e sotme që duhet të bëhej më e mirë, por për fat të keq, nuk po ndodh kështu, ose kuotat e prindërimit janë në rënie ose përgjegjësia prindëruese është në zbehje ku prindërit po heqin dorë nga përgjegjësit. është në rënie. Edhe shkolla ka ndikimin e saj, një pjesë e madhe e dhunë është përgjithësisht te adoleshentët dhe te rinia. Përdorimi zgjeruar i lëndëve psikotrope, përdorimi i alkoolit, drogës dhe i substancave të tjera toksifikuese , që i çojnë njerëzit të dalin nga vetja. Ky është momenti ku instinkti dominon mbi arsyen, dhe ky është momenti ku ndodh, dhuna krimi", tha Tushi
Komente
Po shkerdhatacionin politiko shteteror qe kemi qe 30 vjet e harrove? Qeveria rana eshte nder qeverite me idiote ne historine e Shqiperise. Cfare prisni nga ca derdimene si rama e berisha?
Përgjigju