Kryetari i Këshillit të Lartë të Prokurorisë, Gent Ibrahimi do të raportojë ditën e nesërme para Komisionit të Pavarur për Koordinimin, Monitorimin dhe Ndjekjen e Zbatimit të Reformës në Drejtësi.
Mësohet se Ibrahimi do të raportojë për punën që po bëhet për ngritjen e organeve të reja të sistemit të drejtësisë.
Seanca është parashikuar të zhvillohet në ambientet e Kryesisë së Kuvendit, salla e mbledhjeve të Komisionit të Çështjeve Ligjore, Administratës Publike dhe të Drejtave të Njeriut.
Komisioni i Pavarur përbëhet nga 5 anëtarë, profesionistë në fushën e të drejtës, që zgjidhen nga Kuvendi, dhe ka objekt të veprimtarisë së tij monitorimin e proceseve të përzgjedhjes së kandidatëve dhe të zgjedhjes dhe emërimit të anëtarëve të organeve të qeverisjes të sistemit të drejtësisë.
Komente
Po ngrijeni me SPAK-un se late nam,turp 10 prokurore te zot e te denje nuk paska ky vend!!!!!!!!!!
Përgjigju