Sheshi përpara Teatrit “Migjeni” në Shkodër u mbush me ngjyra, muzikë dhe emocion, teksa startoi edicioni i 63-të i Festivalit Mbarëkombëtar të Këngës për Fëmijë.
Në skenë u prezantuan 14 këngë të reja në kategorinë “Junior” dhe “Të vegjlit” duke konfirmuar potencialin artistik të fëmijëve pjesëmarrës të festivalit.
Pjesëmarrësit dhe organizatorët e përshkruan natën si një fillim të mbarë për festivalin.
Një moment i veçantë ishte rikthimi në skenë i këngëtares Nikol Çabeli, e cila emocionoi publikun me praninë e saj. Fituesja e edicionit të 61-të dhe përfaqësuesja e Shqipërisë në Junior Eurovision u shpreh e emocionuar për rikthimin në qytetin që i dha suksesin e parë.
Festivali do të vazhdojë me natën e dytë, ku priten të interpretohen edhe 15 këngë të tjera, duke i dhënë jehonë talenteve të rinj nga mbarë trojet shqiptare.
Komente
