Paralelisht me ndërtimin e automotoparkut të parë në vend, kreu i qeverisë në një postim në rrjetet sociale bën me dije se ka nisur puna edhe për ndërtimin e akseve që lidhin unazën e qytetit me zonën e Krastës në Elbasan ku do të ngrihet kjo vepër.
Ky projekt parashikon që në këtë zonë të ndërtohet dhe e kompleksi i ri rajonal i Drejtorisë së Shërbimeve të Transportit Rrugor të Elbasanit dhe Qendrës së Kontrollit të Automjeteve.
Si pjesë e këtij investimi parashikohet të ngrihet dhe muzeu i parë Retro, pista e parë të garave auto-moto të certifikuar nga FIA dhe struktura të tjera shumëfunksionale buzë shëtitores së re, për pedalim dhe sport të tjera.
'Elbasan, Automotoparku i parë! Ndërsa punohet për projektin e madh infrastrukturor të zbatimit, ka nisur puna me akseset që lidhin unazën e qytetit me zonën ku do të ndërtohet Automotoparku (AMP), në të cilën do të kemi kompleksin e ri rajonal DRSHTRR Elbasan dhe QKT e re (Kolaudimi), Muzeun e parë RETRO, pistën e parë të garave auto-moto të certifikuar nga FIA dhe struktura të tjera shumëfunksionale edukative e rekreative buzë shëtitores së re përgjatë lumit, për pedalim e sport mes gjelbërimit të Krastës!'- shkruan Rama.
Komente
