Në fund të këtij viti do të nisë puna për të ndërtuar Bypass-in e Sarandës. Ky bypass do të ketë një gjatësi prej 3.1 kilometra dhe kostoja për këtë projekt është 34 milionë euro.
Kjo është bërë me dije ditën e sotme nga zv. kryeministrja Belinda Balluku në aktivitetin ‘Infrastruktura, arritjet dhe Sfidat për Shqipërinë 2030’.
“Bypassi i Sarandës do të jetë 3.1 kilometra i gjatë dhe puna për të ndërtimin e tij do të nisë në fund të këtij viti. Jemi në fazë të miratimit të projektit dhe është projekt i buxhetuar”, tha Belinda Balluku.
Ndërtimi i këtij aksi pritet të zgjidhë problematikën e trafikut që krijohet gjatë sezonit veror. Saranda është një nga qytetet më të rëndësishme të turizimit bregdetar në Shqipëri dhe përjeton një rritje të popullsisë në sezonin veror.
Komente
