TIARNË- Nis ditën e sotme aplikimi për subvencionimin për panelet diellore në kuadër të projektit pilot që ka nisur qeveria për të mbështetur 2 mijë familje shqiptare në krizën energjetike. Duke nisur nga dita e sotme, çdo familje mund të aplikojë online në Agjencinë për Efiçencën e Energjisë për të përfituar nga ky projekt.
2 mijë familjet që do shpallen fituese, qeveria do t’u mbulojë 70% të kostos së vendosjes së paneleve diellore. Ky projekt pilot i qeverisë vjen në kohën e krizës energjetike dhe ka si qëllim kursimin e energjisë elektrike, si edhe ndërgjegjësimin e qytetarëve për të kursyer energjinë dhe të shkojnë drejt përdorimit të paneleve diellore.
Kryeministri Edi Rama shkruan se do të vazhdojnë të mbështesin konsumatorin. Me instalimin e paneleve diellore kursehet 20% e kostos së përgjithshme të faturës së energjisë elektrike.
“Qeveria Shqiptare do vazhdojë të mbështesë dhe të mbrojë konsumatorin në këtë situatë krize energjie globale. 70% subvencionim nga Agjencia për Efiçencën e Energjisë për panelet me ngrohje diellore”, shkruan Rama.
Përgjigja nëse një familje shpallet ose jo fituese, jepet brenda dy ditëve punë nga momenti i aplikimit të familjes. Në rastin e shpalljes fitues, familja duhet të konfirmojë porosinë për panelet diellore brenda 7 ditësh pune tek subjektet që janë shpallur fitues nga Agjencisë për Efiçencën e Energjisë për të implementuar këtë projekt. Familja paguan vetëm 30% të kostos dhe fatura i dërgohet AEE-së nga subjekti.
Familjet që nuk konfirmojmë porosinë brenda 7 ditëve pune humbasin të drejtën e financimit me 70% për koston e paneleve diellore. Por, një familje që humbet mundësinë për financim, ka sërish të drejtë të aplikojë nga e para. Nga momenti kur familja paguan koston prej 30% për panelet diellore, subjektet tregtare duhet të instalojnë sistemin brenda 15 ditëve pune.
Klientet familjarë që kërkojnë të aplikojnë për përfitimin e mbështetjes për realizimin e investimit duhet të plotësojnë kriteret e mëposhtme:
- Të paraqesin një kontratë ekzistuese me OSHEE/Furnizuesi i Shërbimit Universal ku të jenë të klasifikuar si abonent familjar dhe një historik të konsumit të energjisë për të paktën 6 muaj, që nuk duhet të jetë më pak se 250 kËh për cdo muaj. Ky kriter nuk eshte i zbatueshëm per klientët qe trajtohen me ndihmë ekonomike nga ministria përgjegjëse për punët sociale;
- Të vërtetojnë se nuk janë debitorë kundrejt OSHEE/FSHU;
- Të zotërojnë çertifikatë pronësie për banesën ose njësinë e banimit (rastet që janë në proces legalizimi nuk do të konsiderohen).
Lista e dokumentave që duhet të paraqesin konsumatorët familjarë për aplikim në platformën online:
- Letërnjoftimi (pasaportë/kartë identiteti);
- Certifikata Familjare;
- Certifikatë Pronësie;
- Faturat e energjisë elektrike për 6 muajt e fundit;
- Të paraqesin vërtetim debie nga e-albania që të vërtetojë se nuk janë debitorë kundrejt OSHEE/FSHU për pagesën e energjisë elektrike, ose janë në një marrëveshje për shlyerjen me këste të detyrimeve të prapambetura;
- Foto në të cilat tregohet qartë pamja e jashtme e objektit ku do të instalohen panelet diellore për ngrohjen e ujit.
- Sipas rastit dokument që vërteton se janë përfitues të ndihmës ekonomike;
- Formulari e vetëdeklarimit sipas Shtojcës nr. 2.
Komente
ku merret pergjigje pas aplikimit
Përgjigju1. Mendoj qe kush deshiron ti vendose panele FOTOVOLTAIKE sepse sadopak, por prodhojne edhe energji. 2. Mendoj qe ne fillim, sipas aplikimeve te vendosen ne pallatet pa sistem izolimi dhe qe jane me orientim te pa dillezuar. 3. Per te qene me te sakte, mendoj se Fatura e Konsumit te energjise elektrike, NUK duhet te jete per 6-te muajt e fundit, por duhet te jete per gjithe vitin. ne ate fature perfshihet konsumi VEROR DHE DIMEROR.
PërgjigjuPerse nuk behet aplikimi nepermjet E Albanias? Aty jane te gjitha te dhenat qe ju kerkoni dhe verifikimi behet ne kohe rekord. Sepse per qytetarin eshte e veshtire te beje mbledhjen e ketyre dokumentave,ndersa E Albania i gjeneron vete.
PërgjigjuSi do kontrollohet qe me parate u blene vertet panele diellore? Si do kontrollohen abuzimet edhe te firmave qe do i shesin, ne menyre qe mos behen pazare per shitje te rreme me fatura fiktive. Edhe me naftem ndaj fermereve duhet ndjekur, nese ata qe marrin nafte kane vertet mjete bujqesore, apo makina transporti per prodhimet bujqesore dhe nuk abuzojne duke e perdorur naften pa akcize per makina udhetimi qe skane asnje lidhje me prodhimin bujqesor.
PërgjigjuDuke pare duke bere.
O Edi po pse panele « diellore « dhe jo panele « fotovoltaike » qe prodhojne energji. Dielli njesoj ngroh. Apo kane ngelur stok ne ndonje depo te ndonje oligarku dhe oburra tja bleje shteti per bamiresi. Me uje te ngrohte duart ne mengjes dhe kembet ne darke do lajne shqiptaret dhe filxhanet e kafese se per gje tjeter nuk duhen panelet. Te prodhosh dhe shesesh energji eshte tjeter. Po siduket edhe OSSHE s eshte gati te bleje nga qytetaret e do ta bleje ne bursen e Hungarise.
Flm për këshillat. Jam duke u marrë seriozisht me këto çështje këto 9 vitet e fundit. Ndërsa, përsa i përket paneleve, janë të cilësisë më të lartë të standardeve evropiane ndaj janë paksa të shtrenjtë. Puno, mos rri në internet
Sa leke/euro kushton te vendosesh new panel djellor nga keto kompanite e perzgjedhura? se mos i bie 30% sa kosto e gjithe panelit ?
PërgjigjuJa se si bleken votat në mënyrë ”alla serboruse” nga tradhtari Edvin shkjau shqipfolës .
PërgjigjuSte detyron njeri te aplikosh, te marresh panelin dhe te votosh dashamir shehun. Sta kontrollon dot njeri voten ne kuti