TIRANË- Nga sot në Tiranë do të nisin të aplikohen testet e shpejta për pacientët që shfaqin simptoma të COVID-19. Këto teste do të japin përgjigjen brenda 15-30 minutash dhe do të aplikohen fillimisht te ato që konsiderohen si vatra të rrezikshme infeksioni.
Më pas siç Shqiptarja.com mëson, pas datës 20 dhjetor, testimi do të bëhet me rezervim nga mjeku i familjes. Do të jetë pikërisht ai që do të përcaktojë se kush do t'i nënshtrohet këtij testi. Ministrja e Shëndetësisë, Ogerta Manastriliu ka bërë me dije se do të hapen edhe disa pika në Tiranë dhe në qytete të tjera për testimin me rezervim pranë mjekut të familjes.
"Nga sot ekipet e epidemiologëve të terrenit do të kryejnë edhe testet e shpejta, përveç testimit me metodën PCR, duke rritur aksesin për qytetarët për testimin në kohë dhe të sigurt 100,000 teste të shpejta të siguruara dhe do të vijojmë të rrisim kapacitetet me të dy metodat e testimit. Së shpejti, hapen disa pika në Tiranë dhe në qytetet e tjera për testimin me rezervim pranë mjekut të familjes", shkruan ministrja.
Në total në dispozicion janë 100 mijë teste të shpejta. Ato duhet të bëhen jo më vonë se pas 5 ditësh pas shfaqjes së simptomave si temperaturë e lartë, mungesa e shijes dhe e nuhatje, kollë dhe dhimbje gjoksi.
Komente
Bravo , nje pune e shkelqyer nga qeveria ( ministria e shendetesise ) . C'do shqipetar ndjehet shume mire , kur behen pune per te qene . Ndoshta kushtojne aparatet , humbim ca para , por shpetojme dhe fitojme jete njerezish . Pershendetje .
Përgjigju