Tirane- Një strukturë e posaçme, nënkomision parlamentar, pritet të ngrihet në Kuvend i quajtur “Për Auditimin e Sektorit Publik”. Vetë kuvendi ka propozuar ngritjen e nënkomisionit brenda Komisionit të Ekonomisë dhe Financave që synon të rrisë transparencën dhe llogaridhënien për përdorimin e burimeve publike.
Sipas projektvendimit, ky nënkomision i cili do të përbëhet nga 5 anëtarë, 3 të mazhorancës dhe 2 të opozitës, synon gjithashtu që të sigurojë llogaridhënien e Kontrollit të Lartë të Shtetit në Kuvend, duke u kujdesur të specifikohet se nuk do të ndërhyhet në pavarësinë e institucionit më të lartë auditues në vend, përveç raportimit vjetor që KLSH bën para kuvendit për veprimtarinë brenda 365 ditësh.
Ajo çka është me rëndësi, është se në projektvendim, nënkomisionit i jepet e drejta e auditimit financiar të vetë Kontrollit të Lartë të shtetit, duke shqyrtuar projektbuxhetin vjetor të institucionit përmes audituesve të jashtëm që do të përzgjidhen nga ky nënkomision për të kryer kontrollin e financiar të KLSH.
Nënkomisioni do të shqyrtojë gjithashtu raportet e qeverisë mbi zbatimin e buxhetit të shtetit dhe raportet e KLSH mbi mënyrën se si shpenzohen paratë e buxhetit të shtetit. Zbatimi ose jo i gjetjeve dhe rekomandimeve të KLSH për institucionet e audituara do të jetë gjithashtu në fokus të punës së kësaj strukture.
Nënkomisoni do të përbëhet nga 5 anëtarë ndërsa do të bashkëdrejtohet nga Enslemvera Zake e PS dhe Emilja Koliqi e PD. Anëtarët e tjerë janë Alban Xhelili dhe Pranvera Resulaj të mazhoranca si dhe përfaqësuesja e dytë e opozitës në këtë tryezë Sorina Koti.
1- Enslemvera Zake e PS
2- Emilja Koliqi e PD
3- Alban Xhelili - PS
4- Pranvera Resulaj - PS
5- Sorina Koti -PD
Projektvendimi
Komente
KLSH kurrë nuk ka qenë i pa varur përkundrazi është njëlloj si partia e NON GRATËS....është një institucion ku titullari bën si i thotë partia,shikoni kush e ka drejtuar e kush e drejton....
PërgjigjuKLSH është kthyer në KLSHurra ku bëhen abuzime të mëdha,ka qenë dhe është një institucion tërësisht i varur nga Sali non grata shikoni vetëm ndër vite se kush e ka drejtuar dhe e drejton,aty është mbledhur llumi dhe jam i bindur që shumë shpejt do të bëhet objekt për SPAK.
PërgjigjuParadoksi donkishotesk i radhes! Nje kontrollues qe do te kontrolloje Kontrollin e Larte te Shtetit! Sa per kuriozitet, ata /audituesit e jashtem/ qe do te perzgjedhe nenkomisioni ne c'kuptim jane te jashtem,jane /te huaj/,apo /te jashtem/ne kuptimin jashte Kuvendit? Mos valle po krijohet mundesia e nje tenderi tjeter per /t'u perlare/ nga keta /te jashtem/,ne emer te kontrollit te KLSH?!
PërgjigjuPo si do kontrolloni nje institucion te pavarur?! A ju sjeni mire, as ligjet tuja nuk respektoni! I kontrolloni te gjithe, por kontrolloni veten ne radhe te pare. Klsh po ben punen me se miri
Përgjigju????me ne fund
Përgjigju