Ministrja e Shtetit për Rininë dhe Fëmijët, Bora Muzhaqi në bashkëpunim me projektin britanik “Perspektiva të Reja” realizuan panairin e parë për edukim, arsim dhe punësim për të rinjtë e Qarkut Kukës, ku morën pjesë 27 institucione, biznese e organizata.
Muzhaqi pohoi rëndësinë e panaireve të tilla që rrisin aftësimin dhe punësimin e të rinjve në sektorë të ndryshëm, duke theksuar “është më shumë se sa një panair punësimi. Është një panair për arsimin, trajnimin, aftësimin, praktikat dhe punësimin.”
Muzhaqi vijoi duke informuar të rinjtë e qytetit të Hasit, Kukësit dhe Tropojës përtej informacioneve për arsimin që ata morën nga universitetet e pranishme duke u rikujtuar potencialin dhe mundësitë e reja që qeveria ofron për degët prioritare.
Ministrja u rikujtoi të rinjve nismën më të re të Ministrisë së Arsimit.
“Të rinjtë që zgjedhin të vazhdojnë studimet në degët prioritare do të mbështeten financiarisht nga qeveria me pagë minimale mujore për të ndjekur studimet, një risi shumë e madhe për të rinjtë shqiptarë” vijoi ministrja përgjegjëse për rininë duke u sugjeruar të rinjve të zgjedhin degët prioritare pasi janë shumë të rëndësishme për të ardhmen e vendit.
Për më tepër, Muzhaqi rikujtoi të rinjtë e Qarkut Kukës të bëhen pjesë e Programin të Kodimit me mbështetje financiare nga qeveria në portalin e-Albania.
“Programi i Kodimit ka filluar me 23 janar të këtij viti dhe aktualisht numërojmë mbi 3000 aplikime dhe mbi 500 të rinj që kanë filluar kurset e para. Kënaqësi që edhe të rinj nga Kukësi janë bërë pjesë e Programit të Kodimit dhe ne do të vazhdojmë t’i ofrojmë këto kurse, prandaj kemi sot edhe akademitë e kodimit që na janë bashkuar për t’i informuar më shumë të rinjtë rreth financimit që qeveria ofron. Për studentët dhe të punësuarit mbështetja është 50%, ndërsa për të papunësuarit 100%” tha Muzhaqi për kurset e kodimit që ndihmojnë të rinjtë të futen në botën e teknologjisë, ku edhe pagat janë më të larta.
Komente
Sa fytyre budallaqeje ka kjo
Përgjigju