James P. Rubin, i dërguari special dhe koordinatori për Qendrën Globale të Angazhimit do të bëjë vizitë 5 ditore në rajon për të forcuar mbështetjen për nismat kundër dezinformimit.
Departamenti i Shtetit njofton se nga data 10-14 prill do të jetë në Podgoricë, Mali i Zi; Shkup, Maqedonia e Veriut; dhe Tiranë, Shqipëri.
Në Podgoricë dhe Shkup, i dërguari i posaçëm Rubin do të takohet me zyrtarë qeveritarë për të forcuar mbështetjen për nismat kundër dezinformimit. Ai do të diskutojë përpjekjet e Rusisë, Republikës Popullore të Kinës dhe aktorëve të tjerë keqdashës që përdorin dezinformata për të minuar demokracinë dhe sigurinë kombëtare në mbarë globin, dhe se si kombet tona mund t'i kundërshtojnë së bashku kërcënimet në hapësirën e informacionit.
Gjatë qëndrimit në Tiranë, i dërguari i posaçëm Rubin do të marrë pjesë në takime me ambasadorët amerikanë nga Ballkani Perëndimor.
