Një ditë pasi Gjykata e Kukësit caktoi masën e sigurisë 'detyrim paraqitje' për Ramë Gjomokajn, i akuzuar për ndërtim pa leje, IKMT ndërhyri në Tropojë duke shembur 8 objektet e të ndërtuara pa leje.
Sipas njoftimit zyrtar, IKMT ka nisur aksionin për prishjen e ndërtimeve pa leje në territorin e Bashkisë Tropojë. Objektet ishin të ndërtuara me konstruksion b/a beton/armaturë, pa leje ndërtimi.
“IKMT në bashkëpunim me Policinë e Shtetit do të jenë në territor për evidentimin e ndërtimeve pa leje, për gjobitjen dhe prishjen e tyre.U bëjmë thirrje qytetarëve të bashkëpunojnë me strukturat për mbrojtjen e territorit dhe të shmangin çdo tentativë për ndërtime të paligjshme,” thuhet në njoftim.
Institucioni thekson se shkelësit e ligjit, përveç gjobës dhe prishjes së ndërtimeve, do të ndiqen edhe penalisht.
Komente
