Arkeologët besojnë se janë një hap më pranë konfirmimit të vendit ku ndodhet Arka e Noes.
Mail One raporton se një ekip i madh arkelogësh dhe eskpertësh që po kryen gërmime në malet e Aratit në Turqi, ku pretendohet se ndodhet Arka e Noes, bën me dije se kanë hasur mostra të vjetra që besojnë se janë rrënoja të anijes, gjë që konfirmon vendin ku u vendos anja, pas Përmbytjes së Madhe 5000 vjet më parë, sipas Biblës.
Projekti filloi në vitin 2021 dhe është në vazhdim, por të dhënat e deritanishme tregojnë se mostrat e marra nga malet e Aratit përmbajnë materiale argjilore de detare.
Sipas studiuesve, këto të dhëna nënkuptojnë se aty mund të ketë patur aktivitet njerëzor në periudhën 5500-3000 para Krishtit.
Në Bibël thuhet se arka u zhvendos në malet e Araratit në Turqi pas një përmbytjeje 150-ditore që pushtoi Tokën dhe mbuloi e mbyti çdo gjallesë që nuk ishte në bordin e anijes prej druri.
Mali i Araratit është mali më i lartë në Turqi, 5,137 metra i lartë dhe relievi ka formën e një anije.
Thuhet se anija ishte 157 metra e gjatë, 26 metra e gjerë dhe 16 metra e lartë.
Ekipi i ekspertëve të udhëhequr nga Universiteti Teknik i Stambollit (İTÜ), Universiteti Andrew dhe Universiteti Ağrı İbrahim Çeçen (AİÇÜ) kanë punuar në vendin ku pretendohet se ndodhet anija, për gati një vit, duke mbledhur mostra që ata besojnë se mund t’i japin përgjigje narrativës biblike.
Komente
At least,Thank you!
Përgjigju