Nëpërmjet një video të postuar në llogarinë e tij të sapo krijuar “Tik-Tok”, Johnny Depp ka falënderuar të gjithë mbështetësit e tij që kanë qenë të shumtë, sidomos gjatë kohës në të cilën Depp pati përballjen ligjore me ish-bashkëshorten e tij, Amber Heard, një gjyq të cilin aktori e fitoi.
Krahas videos, aktori i ka dedikuar disa fjalë dhe të gjithë fansave të tij.
“Për të gjithë mbështetësit e mi më të çmuar, besnikë dhe të palëkundur. Ne kemi qenë kudo së bashku, kemi parë gjithçka së bashku. Ne kemi ecur së bashku në të njëjtën rrugë. Ne bëmë gjënë e duhur së bashku. Dhe tani, të gjithë së bashku do të ecim përpara. Ju jeni, si gjithmonë, punëdhënësit e mi dhe unë nuk di se si t’ju them faleminderit, përveçse thjesht duke ju thënë faleminderit. Dashuri dhe respekt, JD”, shkruan Depp.
