TIRANË- Ajo që u raportua si pengmarrje në orët e pasdites në "Don Bosko", ishte e pavërtetë, por kishte të bënte me një konflikt familjar.
Burime zyrtare konfirmojnë për Report Tv se dy vëllezërit D.M e B.M kanë shkuar në lokalin ku ishte babi i tyre me inicialet S.M, për ta marrë në shtëpi, pasi në mënyrë të vazhdueshme abuzonte me pijen alkoolike. Sapo ka parë djemtë e tij, S.M ka dalë nga dera e pasme e lokalit dhe ka tentuar të largohet me vrap, por të dy djemtë e tij e kanë kapur dhe e kanë futur në makinë për ta çuar më pas në banesë.
Gjithçka u zbulua nga një telefonatë anonime që kishte mbërritur në sallën operative të Policisë së Shtetit, ku u raportua për pengmarrje. Fillimisht duke qenë se personi që kishte denoncuar rastin kishte fikur celularin dhe nuk kishte asnjë denoncim më Komisariat, u dyshua se ishte një informacion të rremë. Megjithatë, pas këqyrjes së kamerave dhe marrjes së informacioneve mbi identitetin e personave që shfaqeshin në kamera, u konfirmua se nuk ishte pengmarrje.
Komente
