E kanë mbajtur të fshehtë! Miriam Cani dhe Alban Skënderaj janë martuar më 7 maj të këtij viti. Pas 12 vite të një historie të veçantë dashurie, këngëtarët e njohur kanë kurorëzuar zyrtarisht dashurinë në një ceremoni po kaq të rrallë martesore. Kanë zgjedhur një ishull të pabanuar, veshur me të bardha, duke mbajtur në krahë vajzën e tyre, Amelinë. Të dy kanë shpërndarë sot në rrjetet sociale foto nga kjo ceremoni me një dedikim të veçantë që tregon nga rrugëtimi i historisë së tyre të dashurisë.
Shkrimi karshi fotove
PO!
U deshën 12 vite që të quheshim zyrtarisht burrë e grua por në zemër kemi qenë dhe jemi ende ata dy të rinj ëndërrimtarë që përtej ceremonive gjithmonë e kanë ndjerë thellë në shpirt se janë bërë për njëri-tjetrin.
U deshën 12 vite të thonim PO përpara Zotit dhe njerëzve që na duan por në të vërtetë zemrat kanë thënë përgjithmonë PO nga momenti i puthjes së parë!
U deshën 12 vite të vishnim kostumin dhe fustanin e nusërisë e të shkëmbenim unazat kur ndërkohë kemi jetuar nën lëkurën e njëri-tjetrit çdo gëzim e hidhërim dhe kemi ndarë çdo të mirë e të keqe që jeta na ka ofruar.
Fati dhe shpirti donin që ky moment i shënuar të merrte jetë pikërisht aty ku në vitin 2013 ai propozim i pazakontë na la për pak pa frymë të dyve, por këtë herë jo në botën e magjishme nënujore por vetëm pak metra me larg, në sipërfaqen e një ishulli të pa banuar. Një pike e bardhë në mes të oqeanit. Zhveshur nga të gjitha dekoret e krijuara nga dora e njeriut dhe veshur nga bukuritë përrallore që ka krijuar dora e Zotit.
Duhet të prisnim 12 vite që kjo ditë të merrte kuptimin e plotë të saj me prezencën e engjëllit tonë, Amelisë.
PO ... deri sa vdekja të na ndajë!
7 Maj, 2019.
Komente
po pse genjyen ne emisionin e se merkures ne top channel?!
Përgjigju