Një tjetër hap i rëndësishëm i Shqipërisë drejt integrimit Europian.
Kështu e vlerësoi ambasadori i BE-së në Tiranë, Silvio Gonzato, hapjen e grupkapitullit për “Tregun e Brendshëm”, me konferencën ndërqeveritare që u mbajt dje në Luksemburg.
Diplomati i lartë ka reaguar përmes një reagimi në llogarinë personale në platformën 'X'.
Gonzato u shpreh mes të tjerash se “tani duhet të miratohen dhe zbatohen reformat që lidhen me BE”.
“Një hap tjetër i rëndësishëm për Shqipërinë në rrugëtimin drejt Bashkimit Evropian: Hapja e grupkapitullit për Tregun e Brendshëm! Tani është e rëndësishme të miratohen dhe zbatohen reformat që lidhen me BE-në.
Vijimi i përafrimit me legjislacionin e BE-së e afron Shqipërinë me një Evropë më të bashkuar dhe më të sigurt. BE-ja do të vazhdojë të mbështesë Shqipërinë në çdo hap të këtij rrugëtimi”, shkruan ambasadori.
Postimi i ambasadorit të BE, Silvio Gonzato
Komente
