Një turist nga Australia është zhdukur në alpet shqiptare. David Cameron ka qenë duke eksploruar alpet nga zona e Valbonës drejt Thethit, por që prej datës 13 tetor rezulton i zhdukur. Njoftimi është bërë publik nga Shërbimi i Kërkim - Shpëtimit Malor i Shqipërisë në një postim në Facebook.
Cameron është nisur për të vizituar Thethin, ndërsa për herë të fundit është parë në zonën Lugu i Valit Valbonë.
“I riu në foto quhet David Cameron, shtetas Australian dhe ka humbur kontaktet që nga data 13 tetor 2024 rreth orës 8 te mëngjesit ku është nisur drejt Thethit, hera e fundit qe është parë është Lugu i Valit Valbonë, vendi ku ndahet shtegu për në majën e Jezercës dhe shtegun që të dërgon për në Theth, nga kjo pikë ka filluar i vetëm udhëtimin për ne Theth.
Plani i tij ka qenë për të vizituar Thethin dhe për tu kthyer përsëri ne Shkodër në hostelin ku qëndronte në të cilin gjenden rrobat dhe dokumentet e tij. Ju lutemi nëse dikush e ka pare apo ka patur kontakt me të të lajmëroj autoritetet përkatëse.
