Luciano Spalletti nga sot nuk është më trajner i Interit. Italiani edhe pse nuk fitoi asnjë titull ka patur gjithmonë rrespektin e tifozëve, të cilët e vlerësojnë jashtëzakonisht shumë për rikthimin e klubit në “Champions League”, por edhe për harmoninë që është munduar të mbajë në skuadër.
Respekti për të nuk vjen vetëm nga tifozët e thjeshtë, por edhe nga një special, siç është presidenti i Interit Steven Zhang. Në rrjetet sociale pas shkarkimit Zhang ka shkruar:
“Një trajner, një mësues, një mik. Ke dhënë gjithmonë më të mirën, në diell edhe në shi. Kjo aventurë 2 vjeçare do të thotë shumë për Interin dhe mua personalisht. Nuk do ta harrojmë kurrë përkushtimin tënd, ndaj të falenderojmë nga thellësia e zemrës. Njëherë trajneri i Interit përgjithmonë trajner im. Faleminderit Spalletit.”
Komente
