Presidenti i zgjedhur Donald Trump caktoi ish-drejtorin e tij të Inteligjencës Kombëtare John Ratcliffe, për t’u bërë drejtor i Agjencisë Qendrore të Inteligjencës, CIA.
Ratcliffe ishte një kongresmen republikan me tre mandate përpara se të shërbente në administratën e parë të Trump në mesin e vitit 2020, duke mbyllur një rrugë të gjatë.
Emërimi i tij fillestar në këtë pozicion ndodhi vetëm disa ditë pas marrjes në pyetje të Robert Mueller, ish-drejtori i FBI-së, në Kongres, për hetimet rreth dyshimeve të ndërhyrjes ruse në zgjedhjet e vitit 2016, shkruan CCN.
Kandidatura e tij u kundërshtua nga palët politike, duke ngritur pikëpyetje mbi kualifikimet e tij. Trump vendosi ta tërheqë kandidaturën e tij, por më vonë, në vitin 2020, e emëroi sërish, duke e përkrahur pas deklaratave se Ratcliffe ishte trajtuar padrejtësisht nga media.
Në mandatin e tij të dytë, Ratcliffe, një aleat besnik i Trump, mori përgjegjësi të rëndësishme në drejtimin e CIA-s, ndërkohë që kishte shërbyer më parë në ekipin e Kongresit që mbështeste presidentin gjatë procesit të shkarkimit të tij të parë.
Por nga ana tjetër Ratcliffe njihet edhe si një nga miqtë e mëdhenj të shqiptarëve pasi ka lidhje të forta me komunitetin shqiptaro-amerikan.
Në vitin 2016, ai ishte i ftuar special në “Forumin Ekonomik Mbarëkombëtar të Diasporës Shqiptare” që u mbajt në Nju Jork, organizuar nga rrjeti shqiptaro-amerikan. Ai ka pasur takime me zyrtarë nga Kosova dhe Shqipëria.
