Më shumë se gjysmë shekulli, Ibrahim Karaj është përkujdesur për pëllumbat, të cilat janë mjaft të dashur për të. Këto pëllumba të llojit ‘’ Balli’’ janë pasioni I tij I madh. Ai kalon një pjesë të konsiderueshmë të ditës me ta, duke e kufizuar veten edhe nga aktivitete të tjera.
‘’ Konkretisht në këtë shtëpi ku unë kam lindur, i kam vënë pëllumbat në moshën 5 vjeçare për herë të parë. Në moshën 5 vjeçare mua m’I ka prur babai në shtëpi, dhe qysh në atë kohë unë nuk jam shkëputur më prej tyre’’ shprehet ai.
Një lidhje sa e bukur por edhe e vështirë, pasi shpeshherë ata sëmuren dhe kanë nevojë për shumë përkujdesje.
‘’ Kur sëmuren, unë kam një mik në Gjermani I cili më sjell ilaçet, me DHL, për dy tre ditë më vijnë ilacet, këto kanë shpenzime të jashtëzakonshme, mbi 2 qind mijë lekë në muaj’’ thotë z. Ibrahimi.
Ai deri më tani ka 25 pëllumba, ndërsa është kujdesur shumë që t’I krijojë atyre ambientin e përshtatshëm, për të qëndruar, madje përapara se të kujdesej për shtëpinë e tij të re, fillimisht është kujdesur që të sistemoj si duhet pëllumbat. Madje edhe në rutinën e tij të përditshme, ai sigurohet që në fillim të kujdeset për nevojat e tyre dhe më pas kryen aktivitet e tij të tjera.
‘’ Para se të shkoja në punë, zbrisja poshtë I mbushja ujë, i jepja ushqimin, rrija 10-20 minuta me ta, mbylla dhe më pas vazhdoja aktivitet e mija’’ shprehet ai.
Për më tepër, ai është mjaft i apasionuar pas këtyre shpendëve pasi janë të një lloji mjaft të veçantë, I cili nuk gjendet në asnjë vend tjetër të botës, sipas z. Karaj.
‘’ Ky është ‘’ Balli Elbasani’’ është një pëllumb që për mendimin tim origjina nuk I dihet, pavarësisht se ne themi që është pëllumb Elbasani, mbas kërkimeve dhe studimeve të mija, derisa ky pëllumb nuk ndodhet në asnjë vend të botës, unë mendoj që ky mund të jetë pëllumb autokton shqiptar’’ thotë ndër të tjera ai.
Ibrahimi është aq I apasionuar pas tyre, sa që tashmë I konsideron ata si fëmijët e tij.
