Me hyrjen në fuqi të liberalizimit të vizave për shtetasit e Kosovës, edhe Spanja ka dhënë qëndrimin e saj se do ta pranojë pasaportën kosovare, dhe se qytetarët do të mund të udhëtojnë lirshëm dhe pa pengesa drejt këtij shteti.
Ministri i Punëve të Jashtme të Spanjës, Jose Manuel Albares, në një intervistë për mediat në Spanjë, ritheksoi se njohja e pasaportës nuk nënkupton edhe njohjen e pavarësisë.
Sipas tij, Spanja nuk mund të bëjnë sikurse nuk ekziston Kosova, pasi është territor Brenda Ballkanit Perëndimor dhe po ashtu merr pjesë në samitet e organizuara nga Bashkimi Evropian.
“Sigurisht që jo. Ky është një nga mashtrimet dhe jo i pari i Partisë Popullore. Unë e bëj atë citim duke shpjeguar pozicionin e Spanjës në kohën kur merret ai vendim, por ai do të duhet të përshtatet. Por e kam thënë shumë herë dhe e them sërish këtu sot, se Spanja nuk do të jetë kurrë pengesë për dialogun ndërmjet Beogradit dhe Prishtinës. As për afrimin mes Prishtinës dhe Bashkimit Evropian. Sepse ai territor i Kosovës është brenda Ballkanit Perëndimor, dhe shkon në samitet e Bashkimit Evropian me Ballkanin Perëndimor. Dhe Përfaqësuesi i Lartë bëri një punë të lavdërueshme dhe ne e mbështesim atë. Nuk mund të pretendojmë se nuk ekziston. Por kjo nuk do të thotë se ne e njohim sovranitetin e saj. Unë do t’i kërkoja Partisë Popullore të ndalonte lëshimin e një mashtrimi që e di se është një mashtrim”, tha Jose.
