Tenderi për të dhënë me koncesion “Projektim, ndërtim, operim, mirëmbajtje, rehabilitim dhe transferim i segmentit rrugor Milot-Thumanë-Kashar- Luzi i Vogël- Fier ka dështuar.
Pas dy shtyrjesh të afatit të garës si pasojë e pandemisë, si dhe ndryshimit të kritereve për të marrë pjesë në të, Ministria e Infrastrukturës ka skualifikuar ofertën e vetme në gara, pasi nuk plotësonte kushte teknike. Burime nga Ministria e Infrastrukturës thanë për Report TV se e vetmja ofertë e prezantuar ishte nga kompania greke ‘TERNA”, por oferta e saj është shpallur e pasuksesshme pasi nuk plotësonte kushtet teknike. Kompania në fjalë nuk arrinte të ndërtonte veprën për 60 muaj, ndërsa çmimi për KM ishte 0.62 euro nga 0.75 që e vendosi qeveria.
Më herët Partia Demokratike e kishte denoncuar pjesëmarrjen në garë vetëm të një kompanie, duke e konsideruar tenderin si abuziv dhe me fitues të paracaktuar.
Investimi për ktë projekt ishte parashikuar të arrinte në 1.2 miliardë euro dhe do të bëhej i gjithi nga privati ndërsa shteti garantonte 10% të investimit. Po të njëjtat burime thonë se tenderi do të rihapet përsëri për të gjitha kompanitë e interesuara, dhe koncesioni do të jetë për 35 vite. Gjatësia e rrugës është 115 kilometra, nga të cilat 53 kilometra rrugë e re dhe 62 të tjerat gjatësi që do të rehabilitohen.
.
Komente
Do ndertohet gjurme e re apo sh2,sh4 po vidhen dhe po tjetersohen ne rruge me pagese? Zgjerimi i sh2 dhe sh4 eshte bere me rritjen e taksave te mjeteve te qytetareve tani u jepka privatit me pagese Kush do rruge me pagese ta ndertoi nga hici jo te vjedhe rruget shteterore ku popullata eshte vendosur me shekuj Nje tjetersim i rrugeve shteterore ne rruge ndershtetrore do helmonte krejt popullaten qe ndodhet aty Ku jane keta partickat e reja qe nuk reagojne sepse pd dihet qe ka hise aty dhe rri urte
PërgjigjuSkualifikim* vemje. Pa apostrof. Te nenpaguar.
Përgjigju