SHKODËR-Nxënësit e shkollës së mesme të bashkuar "At Gjon Karma" Gur i Zi bojkotojnë mësimin për një orë. Ata kanë zhvilluar një protestë një orëshe për shkak të mungesës së kushteve higjeno-sanitare. Shkolla sipas tyre është e amortizuar dhe shiu futet brenda.
Administratori i njësisë Guri i Zi, Pjerin Marku tha se është ndërhyrë në nyjet hidraulike, sistemin elektrik, ndërsa shumë shpejt do investohet në këndin sportiv projekti i të cilit është miratuar. Nga ana tjetër sa i takon mungesës së sinjalistikës para shkollës, Marku tha se është parashikuar vendosja.
Nuk dihet nëse dhe ditën e nesërme nxënësit do të protestojnë apo pas reagimit te administratorit do pritet për realizimin e kërkesave të tyre, të cilat u konsideruan të mundshme.
Komento
Komente
