Kim Kardashian dhe Pete Davidson kanë konfirmuar lidhjen e tyre teksa u panë të kapur për dore një ditë më parë në ditëlindjen e komedianit në Kaliforni.
Kim dhe Pete u kapën nga paparacët teksa bënin një shëtitje pranë rezidencës së Kris Jenner duke hequr çdo dyshim se marrëdhënia e tyre është më shumë se një flirt kalimtar.
Kjo foto ka shuar përfundimisht dyshimet për lidhjen e Kim me Pete Davidson, pasi kujtojmë që ata u fotografuan edhe më parë në një tren të “frikshëm”, të krijuar posaçërisht për Halloween, në California.
Pete është partneri i parë për Kim Kardashian që kur ajo u divorcua nga ish-bashkëshorti Kanye West në shkurt të këtij viti. Ndërkohë, Pete, i cili mbushi 28 vjeç të martën, ka qenë më parë i lidhur me disa vajza të famshme, duke përfshirë ish-të fejuarën e tij, Ariana Grande.
