Dy këngëtaret shqiptare ishin shumë mikesha me njëra-tjetrën dhe madje bënë edhe një bashkëpunim. Kënga 'Big Booty' e Fifit dhe Çiljetës rezultoi shumë i sukseshëm. Por dy koleget patën një konflikt në spektaklin 'Kënga Magjike' pasi Fifi nuk i dha asnjë pikë këngës së Çiljetës. Menjëherë pas këtij 'sherri' të heshtur, u fshi edhe bashkëpunimi i tyre nga Youtube. Por e ftuar në 'Thumb', ylli i hitit 'Zhurmë' ka rrëfyer gjithçka që ndodhi mes kolegeve, duke i kërkuar falje publikisht Çilit.
(Fifi e ftuar në "Thumb")
"Çiljeta e di shumë mirë se çfarë personi është për mua. Unë i kam kërkuar falje publikisht i kam çuar dhe mesazh e i kam thënë ‘nëse respekti im ndaj teje vrehet dhe kapet prej pikëve te ‘Këngës Magjike’ atëherë nuk kemi çfarë të diskutojmë më shumë’ . Ajo nuk më ktheu përgjigje. Unë nuk e kam bërë me qëllim, por e kam parë spektaklin nga një anë tjetër, më shumë si artiste se sa si mike. Në moment që ti je mik dhe prekesh se ti more 2 e unë mora 7 pikë, atëherë s’ke qenë asnjëherë mik,”- tha Filloreta.