Tifozi i zjarrtë i Lionel Messit, 30 vjeçari Dinu Aleks, është gjetur i vdekur në brigjet e lumit Menaçil, në një provincë në Indi. Ai ishte lajmëruar si i zhdukur që pas ndeshjes së fundit të Argjentinës e cila u mund nga Kroacia.
Para se të zhdukej, ai kishte lënë edhe një shënim ku shkruhej: “Nuk më ka mbetur asgjë për të parë në këtë botë. Po shkoj drejt vdekjes. Askush nuk ka përgjegjësi për vdekjen time.”
Dinu Aleks ishte tifoz i zjarrtë i Mesit, dhe punonte si llogaritar pranë një firme private.
Lajmin për zhdukjen e tij e kanë dhënë familjarët pasi e ëma nuk e ka gjetur në dhomë mëngjesin e të premtes. “Kur e kontrolluam dhomën e tij, gjetëm një letër, një fanellë të Argjentinës dhe një kasë telefoni me fotografi të Messit”-është shprehur babai i viktimës.
(Dinu Aleks, tifoz i zjarrtë i Messit)