Tre persona kanë mbetur të vrarë si pasojë e të shtënave me armë zjarri nga talebanët në një dasmë në Afganistan. Ata iu kërkuan dasmorëve që të ndalonin muzikën, por kjo kërkesë u refuza, ç'ka solli edhe në përdorimin e armëve të zjarrit nga talebanët.
Mirëpo zëdhënësi i qeverisë talebane Zabihullah Mujahid nuk e ka pranuar një sulm të tillë duke thënë se ata persona po hiqeshin si talebanë deh mohoi që ata kanë vepruar në emër të lëvizjes islamike. Sipas tij, dy nga autorët e dyshuar janë arrestuar, ndërkohë që një tjetër është shpallur në kërkim.
“Mbrëmë, në dasmën e Haji Malang Jan në fshatin Shamspur Mar Ghundi të Nangarharit, tre persona që u prezantuan si talebanë hynë në dasmë dhe kërkuan që muzika të ndalonte. Si pasojë e të shtënave, të paktën tre persona janë vrarë dhe disa të tjerë janë plagosur. Dy të dyshuar janë marrë në paraburgim nga talebanët në lidhje me incidentin dhe njëri që u arratis është ende në ndjekje. Autorët e incidentit, të cilët kanë përdorur emrin e Emiratit Islamik për të marr hak ndaj çështjeve personale, janë dorëzuar për t'u përballur me ligjin e Sheriatit", tha ai.
