Lideri i grupit OTR është përballur sot për herë të parë në gjyq me një nga anëtarët e grupit Babastars, Albert Krasniqi. “Kallxo.com” shkruan se i pari që ka folur në këtë seancë gjyqësore të zhvilluar në Gjykatën Themelore të Prishtinës.
“Akuzën e pranoj. E kuptoj shumë mirë. Unë ndihem me të vërtetë fajtor. Nuk e di a do të më pranohet kjo por kërkoj falje, kjo ka ndodhur, ne jemi të rinj dhe e kemi falur njëri-tjetrin. Kemi vendosur që të kaluarën ta lëmë prapa. Jemi takuar edhe me familjen e Albertit dhe me familjen time, kemi vendosur që këto t’i lëmë prapa,”- ka thënë Noizy para gjykatës.
Më pas ka folur edhe Krasniqi i cili është shprehur: “Po e pranoj fajësinë dhe ndihem shumë keq për rastin që ka ndodhur. Ne jemi pajtuar dhe tashmë jemi miq.”
Ndërsa i akuzuari tjetër, Elvis Hyseni nuk është paraqitur në gjykatë pasi aktualisht ndodhet në Angli, të paktën këto kanë qenë argumentet që ka dhënë avokati i tij. Kujtojmë që përleshja ndodhi dy vite më parë në datën 13 shtator të vitit 2016 rreth orës 17:15 në parkingun përpara hotelit “Sëiss Diamond”, në Prishtinë, midis anëtarëve të OTR dhe Babastars ku i plagosur rezultoi reperi i njohur Noizy.
Dy reperët Noizy dhe Albert Krasniqi
Komente
