Numri i të prekurve nga koronavirus në Shqipëri po rritet. Edhe numri i jetëve të humbura me Covid-19 gjithashtu.
Në këto momente kur jemi të 'pafuqishëm' për të ndryshuar shifrat e vetmja gjë që mbetet është të qëndrojmë në shtëpi dhe të mbajmë shpresat për ditë më të mira.
Këngëtarë si Lorenc Hasrama e Orgesa Zaimi, por edhe të tjerë sjellin tinguj muzike, nga shtëpitë e tyre...drejt tuajave.
Aktori i humorit Bes Kallaku duket se e ka 'thyer' karantinën duke dalë nga shtëpia për 'palestër' në kushte shtëpie.
Ai ka publikuar një video funny, ku shkruan: "Dita e 17-të e karantinës. Palestër në kushte shtëpie. Do ia dalim. Jena mirë!"
Stefi Prifti në karantinë tashmë duke kënduar, nuk e shoqëron vëllai i tij, Endri, sic e kemi parë gjithmonë, por dy vajzat e tij.
Ai ka publikuar një video duke kënduar cover-in e "Hey Jude" së bashku me vajzat e tij.
Sopranoja Blerta Zhegu ka interpretuar në bashkëpunim me pianistin Frederic Isoleta 3 vepra muzikore (Après un rêve, Clair de lune, Chanson d'amour )si 'dhuratë' për të ngrohur zemrat e njerezve në këto momente të veshtira.
"Te dashur miq, meqenese si te gjithe artistet nuk bej dot pa ngrohtesine e publikut dhe meqe shpresoj qe do ta vleresoni kete dhurate muzikore, ne nje moment kaq te veshtire, vendosa te publikoj disa vidéo ne bashkepunim me pianistin Frédéric Isoletta
Rrofte e bukura, arti dhe muzika!" Shkruan ajo.
Rozana Radi nga shtëpia e saj ka dhënë një mesazh për të gjithë ata që sot janë mbyllur në shtëpi dhe po përpiqen të gjejnë mënyra për të kaluar kohën në mënyrë sa më të vlefshme.
Ajo thotë t'i rikthehemi leximit, por jo si fëmijët për të luajtur, por të udhëtuar nëpërmjet fantazisë aty ku në këtë periudhë nuk udhëtojmë dot fizikisht.
Sugjeron 3 libra poezie shumë të dashur për të.
Orgesa Zaimi dhe Bora e Kroni janë sensibilizuar se mënyra më e mirë për të luftuar virusin korona është të rrimë në shtëpi dhe të lajmë shpesh duart.
Mënyrën e larjes së tyre e tregojnë edhe për ndjekësit e tyre në Instagram.
Këngëtarja Orgesa Zaimi ka publikuar në rrjetet sociale një video ku tekstin e këngës së saj "Verën ku ma le" e shndërron duke e përshtatur me situatën e krijuar nga koronavirus.
"KU ma le ku ma le.. maskën time ku ma le? Kam një javë që kërkoj maska e ska askund" shkruan këngëtarja.
Kur po bëhen 3 javë nga përfshirja e Shqipërisë në hartën e vendeve të prekura me koronavirus, mjaft artistë të izoluar në shtëpitë e tyre sjellin performanca për artdashësit.
Në ditën e 19 si i vetë-izoluar, këngëtari Lorenc Hasrama ka sjellë cover-in e këngës "Udhëtari" të Eugent Bushpepës, një këngë edhe kjo me mesazhe të forta.
