TIRANË- Zona e Trajtimit të Mbetjeve në Tiranë, e cila njihet ndryshe si Landfilli i Sharrës, priti dhjetra studentë dhe pedagogë të Universitetit Politeknik dhe Universitetit Bujqësor në kuadër të programeve mësimore.
Studentët e “Burimeve Natyrore”, të “Energjisë së Rinovueshme” dhe të “Mjedisit” mbyllën vitin shkollor në një mësim të hapur mbi njohjen e menaxhimit të integruar të mbetjeve dhe standartet mjedisore që aplikohen nga shoqëria koncesionare “Integrated Energy”.
"Falënderojmë kompaninë koncesionare “Integrated Energy” për mikpritjen dhe për bashkëpunimin patjetër. Tashmë falë tyre është e mundur që studentët të vijnë dhe të vëzhgojnë nga afër proceset në një ambient me cilësi shumë më të lartë në krahasim me situatën e mëparshme që ishte landfilli i Tiranës. Siç shohim, cilësia e ujërave është përmirësuar, e tokës dhe gjithashtu e ajrit. Nuk është një zonë e degraduar dhe me rreziqe potenciale shëndetësore. Tashmë është një zonë e shëndetshme, ku shohim bioindikator e ndryshëm të faunës dhe florës, si ujore dhe tokësorë”, tha Pedagogu u Departamentit të Mjedisit dhe Burimeve Natyrore në Universitetin Bujqësor, Adri Erebara.
Studentët mbetën të impresionuar nga vizitat në kapanonin ku do të bëhet seleksionimi manual dhe automatik i mbetjeve, si dhe nga format e depozitimit të mbetjeve.
“Realisht e kisha dëgjuar në media, interneti dhe të gjitha dhe ishte eksperiencë shumë e bukur që ne arritëm ta shikojmë nga afër atë që ne kemi studiuar dhe kemi parë nga televizioni”, tha Xhesiana Braka, Studente e Menaxhimit të Burimeve Natyrore në Universitetin Bujqësor.
“Më bëri përshtypje çdo gjë. Ishin teknologjitë e fundit që ishin përdorur dhe ambienti ishte goxha i mirë”, tha studentja e Inxhinierisë së Agromjedisit, Fatime Voda.
“Ishte eksperiencë shumë e këndshme dhe besoj se do të vij prap”, përfundoi Sara Ahmeti, studente e Menaxhimit të Burimeve Natyrore në Universitetin Bujqësor.
Nxënësit vëzhguan nga afër edhe se si cilësia e ujit, tokës dhe ajrit, ka ndryshuar rrënjësisht dhe u ballafaquan me një zonë, e cila respekton mjedisin dhe e mbron atë.
Zona e Trajtimit të Mbetjeve të Tiranës është kthyer për studentët e universiteteve privat dhe publik në një zonë studimore dhe laborator shkencor. Landfilli i Sharrës është një vend unik në Shqipëri për kryerjen e studimeve të thelluara master doktotarurë dhe më tej.
Komente
Bravo…vazhdoni duke bere vepra te mira si edhe praktika te tilla per studentet.
Përgjigju