KRUJË - Një 34-vjeçar i identifikuar si Durim Priska është arrestuar nga policia pasi nxirrte inerte pa asnjë dokument. Gurorja që kishte administrator Priskën nxirrte inerte në zonën e mbrojtur Krastë-Verjon.
Priska u arrestua një ditë më parë në kuadër të operacionit të koduar "Mjedisi" pasi nga kontrolli i ushtruar në subjektin gurore që ai administronte, u konstatua se nuk dispononte dokumentacionin përkatës për ushtrimin e aktivitetit të nxjerrjes dhe përpunimit të materialeve inerte e gurore.
Materialet i kaluan Prokurorisë pranë Gjykatës së Rrethit Gjyqësor Krujë, për veprat penale “Shpërdorimi i tokës”, “Ndotja e ajrit, ujërave dhe e tokës”, “Prerja e paligjshme e pyjeve“, “Transportimi i mbetjeve toksike” dhe “Prerja e drurëve dekoratovë e frutorë”.
Më herët, gjatë fazës së parë dhe të dytë, nga kontrolli i ushtruar në territor, është arrestuar në flagrancë administratori i një guroreje që nuk dispononte asnjë dokument, si dhe janë proceduar penalisht 6 shtetas, administratorë të 6 guroreve, për mungesë dokumentacioni, ndotje ajri dhe shpërdorim toke.
Operacioni vijon deri në përfundimin e kontrollit të plotë të territorit, për të verifikuar dhe për të kontrolluar të gjitha subjektet që ushtrojnë aktivitetet e nxjerrjes dhe të përpunimit të materialeve inerte dhe gurore.
Komente
Ne zeze te Nikel po shkaterrohen kodrat Askush nuk vien mi pak Po behet masaker mjedisore Po marin shtufin e po e shesin per zhavore, dhe pastaj thoni pse u prish rruga? Po se duan te na vjdhin pra
Përgjigju