Kultura

Obelisk në Lushnje në nder të kardinalit Dom Mikel Koliqi, në vendin ku vuajti internimin në diktaturë!

Një memorial kushtuar kardinalit të parë shqiptar, Mikel Koliqi, u vendos sot në Lushnje, në fshatin ku ai vuajti në internim. Obelisku vjen në kujtim të rezistencës antikomuniste dhe kujtesës kombëtare të kombit.

31 Maj 2024, 16:42| Përditesimi: 31 Maj 2024, 18:34

  • Share

Në fshatin Gjazë të Lushnjës u vendos obelisku memorial kushtuar kardinalit të parë shqiptar, Dom Mikel Koliqi, në përkujtim ndaj rezistencës antikomuniste.

Obelisku prej mermeri u vendos në vendin e vuajtjeve, atje ku prifti katolik kaloi disa vite inernim. Në ceremoni ishte i pranishëm ambasadori i Vatikanit ne Shqipëri Luixhi Bonaci, arqipeshkv i dioqezës Shkodër Anxhelo Masafra dhe zyrtarë lokal. 

Ambasadori i Vatikanit lexoj mesazhin e papës ditën e vdekjes se Mikel Koliqit. Ndërsa bashkëvuajtesit e internimit folën mbi kujtimet e tyre dhe figurën e Koliqit.

Shtëpia ku jetoi periudhën e internimit, e rrënuar ka ende parullat komuniste. Si një dëshmi e epokës së egër të diktaturës kjo banesë mbart kujtimet e vuajtjes se jetës së Koliqit.

Dom Mikel Koliqi bëri 21 vite burg politik dhe 21 vite në internim.U lirua me amnistinë e vitit 1986. Më 28 nëntor 1994 u shugurua kardinal në Vatikan nga vetë papa Gjon Pali II. Vdiq më 27 janar 1997.

R.D/ReportTv.al
Komento

Komente

  • Sondazhi i ditës:

    Si e vlerësoni gjendjen e sigurisë në vend?