Organizata Botërore e Shëndetit (OBSH) ka bërë thirrje që Azia Jug-Lindore të marrë "masa agresive" për të luftuar shpërthimin e koronavirusit i cili po shkon në rritje. Ndërsa, numri i të infektuarve në këtë rajon vazhdon të rritet, vendet janë të detyruara të mbyllin kufijtë dhe shkollat.
Pothuajse të 11 vendet që përbëjnë rajonin e OBSH-së në Azinë Jug-Lindore, janë shprehur përfaqësues të organizatës kanë regjistruar deri tani raste të koronavirusit.
Dr Poonam Khetrapal Singh, Drejtor Rajonal i rajonit të OBSH-së në Azinë Jug-Lindore, tha të martën se "më shumë grupe të transmetimit të virusit janë duke u konfirmuar". "Ne duhet të bëjmë më shumë, dhe urgjentisht."
COVID-19 ka prekur deri tani Indonezinë, Sri Lankan, Tajlandën, Bangladeshin dhe Korenë e Veriut.
Cila është situata në rajon?
Shumë vende të rajonit jashtë OBSH në Azinë Jug-Lindore kanë pasur një reagim të ngadaltë ndaj shpërthimit, duke marrë masa drastike vetëm në javët ose ditët e fundit pasi numri i rasteve vazhdon të rritet. Malajzia, e cila tani ka numrin më të madh të çështjeve në rajon, nuk vendosi masa të rrepta distancimi sociale derisa të kishte një kërcim të madh në numrin e rasteve.
Shumica e të infektuarve të vendit kanë qenë të lidhura me një tubim fetar në të cilin morën pjesë rreth 16,000 njerëz. Malajzia tani ka mbyllur kufijtë e saj, duke ndaluar hyrjen e të gjithë udhëtarëve. Shkollat në vend gjithashtu janë mbyllur.
Në Indonezi, e cila sipas John Hopkins ka të regjistruara 172 raste të virusit, Presidenti Joko Widodo kohët e fundit pranoi se ai në mënyrë të qëllimshme fshehu informacione për përhapjen e virusit për parandalimin e panikut tek qytetarët.
Filipinet kanë masa gjithëpërfshirëse karantine që kanë lënë miliona persona të mbyllur në kryeqytetin e vendit, Manila. Të 11 vendet që përbëjnë rajonin e OBSH-së në Azinë Jug-Lindore janë Indonezia, Vietnami, Tajlanda, Singapori, Malajzia, Filipinet, Kamboxhia, Laos, Myanmar, Brunei dhe Timorin-Lindor.
Myanmar dhe Laos nuk kanë raportuar asnjë rast të virusit - megjithëse ekspertët dyshojnë për besueshmërinë e këtij informacioni. Po ashtu, një zëdhënës i qeverisë së Mianmar pretendoi se "stili i jetës dhe dieta" e njerëzve i kanë mbrojtur ata nga virusi.
Ndërkohë, asnjë rast me koronavirus nuk është raportuar ende në Timorin-Lindor.
