Kur kanë mbetur pak ditë nga nisja e Superligës shqiptare një lajm i befasishëm mbërriti nga Bylisi, pasi trajneri Beqiri, që e riktheu në elitë vendosi të largohej me mirëkuptim për shkak të një oferte të ardhur nga Arabia.
“Jam shumë i lumtur dhe krenar që largohem si mik pasi kjo për mua ka rëndësi shumë të madhe. Jam shumë i lumtur gjithashtu që ekipi është konsiliduar dhe është i përgatitur për Superioren,”-u shpreh Jeton Beqiri, ish-trajneri i Bylisit.
Në të njëjtën kohë kur u mbajt konferenca e largimit të trajnerit Beqiri u prezantua edhe pauesi i tij Arjan Bellai, ish-futbollisti i kombëtares, i cili ka drejtuar disa skuadra në Greqi si Apollon Larisa dhe Kallamata.
“E di politikën e klubit, projektin që ka. Ishte shumë e thjeshtë për mua dhe ndihmësin tim Kosta. Vendosëm menjëherë pasi kemi qenë gjithmonë në dëgjesa telefonike. Kam ndjekur gjithashtu ndeshjet si me Partizanin ashtu edhe me Tiranën,”-deklaroi Arjan Bellai, trajneri i Bylisit.
“I uroj mirsëardhjen Bellait dhe kolegut të vet. I uroj suksese dhe ishalla arrijmë objektivat që kemi vendosur,”-tha Besnik Kapplanaj, president i Bylisit.
Bylisi sezonin e ri në Superligë e nis të dielën teksa në orën 17:00 pret në shtëpi Kastriotin.
