Nga konferenca online nga arresti shtëpiak, kreu i PD-së Sali Berisha, komentoi sot vrasjen e Eduart Recit në pallatin e ndërtuar prej tij në Tiranë.
Duke akuzuar për vrasje mafioze të shtetit, Berisha paragjykoi se vrasja nuk do zbardhet. Kujtojmë se i ndjeri ka qenë drejtor në një sektor në SHISH, deri në ’97-ën në qeverinë Berisha.
‘Me vendosjen e përfaqësuesve të mafies në të gjithë drejtoritë e qarqeve, vrasjet, tritoli janë bërë rregull i përnatshëm. Unë dënoj vrasjen e biznesmenit Reçi, ish-punonjës i përgjegjshëm, oficer i përgjegjshëm i Shërbimit Informativ, për të cilin nuk figuron asnjë lloj implikimi, asnjë lloj problematike. Një vrasje mafioze e shtetit mafioz, dhe që si çdo vrasje tjetër, mbetet pa autor dhe pa u zbuluar’, tha ai.
Lajmi kryesor:
Kush janë 'profesionistët' që vranë ndërtuesin në Tiranë? Hodhën fishekzjarrë, kamufluan zhurmën e armës! Zbulohen konfliktet e Reçit
S.B//ReportTv.al
